Biserko: Vakumi politik ndërkombëtar e bën të mundshëm eskalimin e situatës në Veri

Commission members Sonja Biserko, left, and Michael Kirby, listen during a hearing of the United Nations mandated Commission of Inquiry about the human rights situation in the Democratic People's Republic of Korea, at the Johns Hopkins School of Advanced International Studies, Wednesday, Oct. 30, 2013, in Washington. (AP Photo/Alex Brandon)

“Serbisë iu desh të tërhiqet dhe për herë të parë kërkesat e saj nuk u përmbushën”.

Kështu vlerëson në një përgjigje për Albanian Post, Kryetarja e Komitetit të Helsinkit për të Drejtat e Njeriut në Beograd, Sonja Biserko.

“Kosova mori atë që kërkonte”, shprehet ajo, “reciprocitet”, por se kjo gjë “do të vazhdojë të negociohet”.

Megjithatë, thotë Biserko, mediat serbe këtë gjë “e portretizuan si një disfatë të Albin Kurtit dhe një fitore të madhe e të mençur të Aleksandër Vuçiçit”.

Aktivistja e mirënjohur politike thotë se “për arsye të vakumit politik ndërkombëtar një eskalim në Kosovën veriore është gjë që mund të pritet”, sepse vetë ky vakum “i ka inkurajuar akterët lokal të veprojnë”, ashtu siç vepruan.

“Kosova në mënyrë të arsyeshme e ka ngritur çështjen e reciprocitetit”, thotë ajo për AP.

Më tej, ajo vlerëson se në këtë kontest që nisi me 20 shtator mes Kosovës dhe Serbisë janë arritur dy gjëra.

E para “akterët ndërkombëtarë shpejt u kthyen në skenë” dhe së dyti “një marrëveshje u arrit që shtroi rrugën për vazhdimin e dialogut”.

“Duke ngritur gatishmërinë e trupave ushtarake dhe duke i fluturuar helikopterët, Beogradi tregoi se në çfarë drejtimi mund të lëvizte situata dhe kështu shkeli vijën e kuqe ndaj së cilës reaguan të tjerët”, shprehet Biserko.

Ndërkaq, lëvizje të këtilla, Biserko bën thirrje të kuptojmë se janë vetëm në favor të Rusisë.

“Duhet ta mbajmë në mend se skenare të tilla janë në favor të Rusisë, e cila me siguri se po e inkurajon Beogradin. Për ta është e rëndësishme të dinë se sa është në gjendje Perëndimi që me të vërtetë të mbrojë sferën e saj të interesit, gjë që Ballkani me të vërtetë edhe është”.

“Doli që pa intervenimin e Shteteve të Bashkuara të Amerikës, nuk do të kishte hiç progres. Bashkimi Evropian nuk ka më potencialin mobilizues që kishte”, tregon ajo.

Ndërsa, se cilat janë hapat e ardhshëm që duhet ndërmarrë në çështjen e dialogut Kosovë-Serbi, Biserko thotë se duhet marrëveshje gjithëpërfshirëse, që duhet të gjejë epilog në njohjen e Kosovës nga Serbia.

“Hapi tjetër është të vazhdohet dialogu brenda një konture të caktuar kohore – prej jo më shumë një viti – dhe adaptimi i një marrëveshje që do të çonte në njohjen e pavarësisë së Kosovës nga Beogradi. Ndërsa në të njëtën kohë, kjo nënkupton edhe që çështja e Bosnjes të mbyllet dhe të jetë shtet i integruar me autoritet qendror në Sarajevë”, konsideron Biserko.

Këto janë punët e pakryera, të cilat sipas Biserko, duhet të kryhen.

“Vetëm duke i mbyllur këto punë të pambyllura, është e mundshme që kriza në Ballkan të mbyllet dhe të parandalohen kollapsimet tjera në rajon. Vetëm pas këtyre gjërave mund të pritet një demokratizim substancial në Ballkan”, përfundon Sonja Biserko për Albanian Post. /Albanianpost.com

Be the first to comment on "Biserko: Vakumi politik ndërkombëtar e bën të mundshëm eskalimin e situatës në Veri"

Leave a comment

Your email address will not be published.


*