Ismajl Kurteshi e pranon që u takua me Bozhidar Periqin nga komuniteti serb

Ismajl Kurteshi nga Vetëvendosje (VV), është parë në një kafeteri me ish-nënkryetarin e Komunës së Gjilanit, Bozhidar Periq, e që nga mediat lokale u tha se Kurteshi po kërkon mbështetje për zgjedhjet që do të mbahen më 14 nëntor.

Por, kjo u demantua menjëherë nga Kurteshi, duke thënë se Periq është nga komuna e Parteshit dhe nuk ka të drejtë vote në Gjilan.

Megjithëkëtë ai e ka pranuar se është takuar me Periqin, por thotë se takimi është bërë në një vend publik.
“LDK në Gjilan e ka publikuar sonte një foto nga një takim i rastit me ish nënkryetarin e Komunës së Gjilanit z. Periq në Qendrën Tregtare “AGMIA’ Në Gjilan, kinse për të kërkuar vota për VV-në.

E vërteta është se: 1. Zoti Periq është nga Komuna e Parteshit dhe nuk ka te drejtë vote në Gjilan. 2. Qendra e Lëvizjes Vetëvendosje në Gjilan nuk e ka mandatuar askënd për të negociuar me subjektet tjera në lidhje me koalicionet. 3. Takimi ka ndodh në vend publik ku ka pas shumë qytetar dhe ka kamera”, shkroi Kurteshi në Facebook.

Kujtojmë se në komunën e Gjilanit në balotazh kanë shkuar kandidati i LDK-së, Lutfi Haziri dhe kandidati i VV-së, Alban Hyseni.

Më poshtë postimi i plotë i tij.

Be the first to comment on "Ismajl Kurteshi e pranon që u takua me Bozhidar Periqin nga komuniteti serb"

Leave a comment

Your email address will not be published.


*