Rita Ora reagon pas fitores së Distria Krasniqit: Kosova lë gjurmë në Tokio 2020

Xhudistja jonë, Distria Krasniqi ka arritur ta bëjë krenare gjithë Kosovën duke fituar medaljen e artë në Lojërat Olimpike “Tokio 2020”.

Ajo fitoi tri ndeshjet e para dhe pastaj edhe finalen, duke i siguruar Kosovës medaljen e parë olimpike për sivjet.

Të gëzuar për suksesin e saj janë shprehur të gjithë shqiptarët anë e mbanë trevave, të cilët e kanë përgëzuar skuadrën e Kosovës për suksesin e parë që në nisjen e edicionit të sivjetmë të Lojërave Olimpike.

Krenare me arritje e sotme është shprehur edhe artistja shqiptare me renome botërore, Rita Ora.

Ajo ka shpërndarë në InstaStory postimin e Presidentes Osmani në Instagram, ku krenohet me suksesin e Distrias.

“Urime, Kosova lë gjurmë në Tokio 2020, Distria Krasniqi fiton medaljen e artë olimpike”, ka shkruar Rita Ora në InstaStory.

Mirënjohje për të arriturat e Krasniqit kanë shprehur të gjithë krerët e shtetit.

Be the first to comment on "Rita Ora reagon pas fitores së Distria Krasniqit: Kosova lë gjurmë në Tokio 2020"

Leave a comment

Your email address will not be published.


*